Admin
Admin
عدد المساهمات : 148
تاريخ التسجيل : 24/09/2009
الموقع : https://modern.mam9.com
 | | موضوع: الفرق بين الواد الفافى والواد البيئة.... الثلاثاء أكتوبر 20, 2009 11:52 pm | |
|
[size=16]شوف الفرق بين الطفل الفافى والبيئة
(دي مقارنه بسيطه بين (الواد الفافي) ... و(الواد البيئه )
__________________________________
(الواد الفافي) و (الهاى لايف )
.....................................
1-الولد من دول يصحى على صوت الكناري اللي في اوضته ....
- سو سو سو سو .... -
_________
2-يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________
3- يطلع من الحمام يلاقي الداده مستنياه بفوطه من حريييييير .... وتلاعبه
وتهزر معاه بالانجليزي ....
_________
4-يخش على اوضته ... ويفتح الدولاب ويطلع منه هدومه المكويه واللي ريحة
اريال باينه فيها .....
- اريال .... نسيم الصباح -
__________
5- يجيب جزمته من الجزامه ... اللي مليانه جزم وكوتشيهات ...
- تقولش دخلت محل لطفي -
__________
6- ينزل يفطر مع مامي ودادي ... والفطار كورن فليكس بطعم
الشوكولا ....
- كورن فيليكس .. مش بسكو مصر -
__________
7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين تشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________
8- يسلم على دادي اللي يديله البوكيت مني بالدولار ..... مش يعرفو حاجه
اسمها جنيه طبعا
- جنيه ؟؟؟؟ دي عملة انقرضد من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- شيرييييييييييييييييي بخ .... شيييييييييييييييييييييي بخ ... زرررررررر -
__________
*الواد البييييئه :
__________
...................
1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -
>>>>>>>>>>>>>>>>>>>>>>>>>>>>>>>>>>>>>>>>
2- العيال دي ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
>>>>>>>>>>>>>>>>>>>>>>>>>>>>>>>>>>>>>>>>
3- طبعا بعد الخناق ده بيبقى جعان ... تلاقيه بيحوم في الشقه ويدوّر في
المطبخ على اي حاجه ..... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -
>>>>>>>>>>>>>>>>>>>>>>>>>>>>>>>>>>>>>>>>
4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه ... تقولوش طالعه من بق كلب -
>>>>>>>>>>>>>>>>>>>>>>>>>>>>>>>>>>>>>>>>
5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -
>>>>>>>>>>>>>>>>>>>>>>>>>>>>>>>>>>>>>>>>
6- دلوقتي معاد حرب كل يوم ..
: ماااامااااااااااااااااااااااااااااا ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -
>>>>>>>>>>>>>>>>>>>>>>>>>>>>>>>>>>>>>>>>
7- الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -
>>>>>>>>>>>>>>>>>>>>>>>>>>>>>>>>>>>>>>>>
8- هايروح مدرسته ازاي ؟؟؟ طبعا اي ميكروباص او عربيه نقل وقضيها
شعبطه ....
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
-الواد الفافي (الهاى لايف) :
1- العيال كلهم واقفين في صفوف شكلها يفرح .. ده غير ريحتهم اللي زي
الفل
- نضافه رباااااااااني -
=======================================
2- الطابور كله تمارين ونشاط ....
- على انغام الدي جي (ياسر شاكر) -
=======================================
3- الاذاعه المدرسيه .... اخبار من مجلات (واشنطون بوست)
- وطبعا .... مافيش ترجمه -
=======================================
4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -
=======================================
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -
=======================================
*الواد البيئه :
1- داخل المدرسه متأخر وحالته نيله
- اتشعبط في مكروباص (شبرا) ... ومدرسته اصلا في (الحلميه) -
************************************************** ****
2- بعد التذنيب والشتيمه من مدرس الألعاب (حسن أبو شفه) ... انضم لباقي
زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك
فيهم -
************************************************** ****
3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
************************************************** ****
4- النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ .... الشيشه -
************************************************** ****
5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
[/size] | |
|
الرئيسية 
